--Ads--
VIGAN CITY – Pagan-annaden ti Maritime Industry Authority wenno MARINA iti publiko kontra kadagiti saan nga otorisado nga online groups ti social media a mangididiaya ti panagproseso dagiti dokumento dagiti seafarer.
Segun ti MARINA, awan ti pinalubosanda a facebook groups nga agproseso ti Seafarer’s Identity Document, Seafarer’s Record Book, Certification of Competency ken Certification of Proficiency.
Binalakadan pay ti ahensya dagiti marino a makikammayet laeng kadagiti Accredited Maritime Training Institutions inaig iti Maritime Training Courses-da.
Mabalin a makita iti listaan ti Training and Assessment Centers iti website ti Standards of Training, Certification and Watchkeeping office iti Marina.
-- ADVERTISEMENT --
