Impasigurado ni Senador Sherwin Gatchalian a maipangruna dagiti marigrigat nga estudiante iti subsidy program ti gobierno nga agad-adal iti senior high school iti pribado a pagadalan a nakalista iti 2025 budget.
Segun ken ni Gatchalian, chairman ti Senate Committee on Basic Education, maipangruna dagiti agkasapulan iti panangpili iti benepisyaryo ti government subsidy programs iti pribado a pagadalan.
Nailanad iti 2025 national budget ni Gatchalian iti special provisions ti Government Assistance and Subsidies iti salinong ti pondo ti Department of Education.
Madakdakamat iti nasao a probisyon a maikkan prayoridad iti Senior High School Voucher Program ken Educational Service Contracting Program dagiti agad-adal manipud kadagiti talaga nga agkasapulan wenno dagiti marigrigat a pagtaengan.
