VIGAN CITY – Simmangon iti panagdengngeg ti senado ti aktres a ni Maricel Soriano a nairaman ti naganna kadua ni Presidente Ferdinand Marcos iti nagleak a dokumento ti Philippine Drug Enforcement Agency nga adda petsana a March 11, 2012.
Iti isasango ni Soriano iti hearing ti Senate Committee on Public Order and Dangerous Drugs, kinontrana ti mainaig kadagiti nag-leak a dokumento ket kunana a saanna nga ammo.
Inamin met ni Soriano a kukuana ti condo unit idiay Rockwell a unit-46 C Rizal tower building a subject ti operasyon ti PDEA idi 2022 ngem nailakona idi 2012.
Malaksid dayta, kinontra pay ti aktres a binugbogna dagiti dua a katulong a nangipila kenkuana iti kaso a serious physical injury gapu ti panangdangranna kadakuada ken ti panagaramatna ti cocaine.
