VIGAN CITY- Madama iti screening test kadagiti gangannaet nga estudyante ti maysa nga unibersidad ti Ilocos Sur tapno maammuan no adda dagiti nakastrek nga apektado ti AH1N1 virus.
Segun kenni Dr. Pablo Quedado, dean ti College of Medicine ti University of Northern Philippines, maikatlon nga aldaw ti screening test kalpasan a bimtak iti damag a sumagmamano kadagiti Indian students ti apektado iti nasao a virus.
Nupay kastta, inlawlawag ni Dr.Quedado nga awan pay iti nagpositibo isu a saan pay a napaneknekan nga adda a talaga ti kaso ti AH1N1 virus iti probinsiya.
Ti screening test ket kas panangtungpal iti direktiba ti Department of Health(DOH)-Region I a kasapulan a maeksamen dagiti sumrek a gangannaet nga estudyante agsipud ta adda ti outbreak iti nadumaduma a paset ti lubong kas ti China, Hongkong ken India.
Maipalagip nga immado ti gangannet nga estudyante iti nasao nga unibersidad a kaadduan ket dagiti taga-India kalpasan nga adda iti nagtop1 iti Licensure Examination for Doctors a kadaraan da.
