Pinaglibakan ti Department of Education (DepEd) ken Commission on Higher Education (CHED) ti impormasyon iti maysa nga agwarwaras nga artikulo.
Dayta ket maipanggep ti kiddaw ni CHED Chairperson Shirley Agrupis a sukatan ni DepEd Secretary Sonny Angara kas mangidaulo ti Philippine delegation to the 14th ASEAN Education Ministers Meeting and Related Meetings idiay Singapore.
Iti joint statement iti dua nga ahensia, iti kaano man ket saan a kiniddaw ni Agrupis a mangidaulo ti Philippine delegation wenno sukatan ni Angara kas mangidaulo ti delegation.
Kabayatanna, sinigurado ti dua nga ahensia nga agtultuloy nga agtinnulongda para iti pagsayaatan ti kalidad ti edukasyon iti pagilian ken ti agtultuloy a panangpapigsa ti partisipasion ti Pilipinas iti ASEAN Meetings.
