--Ads--
Madanagan ti sektor ti agrikultura a mabalin a maapektaran dagiti mannalon iti kumarkaro a tension idiay Middle East ken ti manamnama a panagngina ti presio ti gasolina.
Pinasingkedan ti chairman ti Magsasaka Partylist a ni Argel Joseph Cabatbat, nupay adayo ti Pilipinas iti giyera idiay Middle East ket maapektaran latta ti sektor ti agrikultura.
Impaganetget ni Cabatbat a kangrunaan a maapektaran ti panagngato ti presio ti produkto petrolyo ket dagiti mannalon.
Manamnama a ngumato agingga P90 kada litro ti presio ti produkto petrolyo no agtultuloy ti tension idiay Middle East.
-- ADVERTISEMENT --
