Dead on arrival ti maysa a mannalon a biktima iti pammagkong idiay Sitio Palikud, Barangay Sucoc, Narvacan, Ilocos Sur.
Ti biktima ket lalaki nga agtawen iti tallopulo ket lima, agnaed idiay Barangay San Antonio, Narvacan.
Ti met suspek ket lalaki nga agtawen iti tallopulo ket siam, taga-Barangay Sucoc, iti nasao nga ili.
Agiinom ti biktima, suspek, ken dagiti dadduma pay a witness iti maysa a pagtaengan idiay Sitio Palikud idin ta rimsua ti nabara a saritaan iti suspek ken biktima ngem naanawa pay laeng ida dagiti kaduada.
Kalpasanna, nagawid ti suspek ngem nagsubli iti pagiinoman nga adda imetna a patadem.
Idi makasubli, inasitgan ti biktima ti suspek sa na sinikil, nga isu met ti nangasotan ti suspek iti patadem nga imbagkongna iti tengnged ti biktima.
Gapu dayta, nadunor ti tengnged ti biktima a naitaray iti balay pagagasan ngem saanen a naispal ti biagna.
