Mannalon, nakemmeg iti buy-bust operation iti ili ti Narvacan

Nakemmeg ti maysa a mannalon nga agtawen iti duapulo ket dua iti buy-bust operation iti ili ti Narvacan.

Nakumpiskar kenkuana ti 1.94 grams ti mapapati a shabu nga aggatad iti P13, 192 a naikabil iti tallo piraso ti heat-sealed transparent plastic sachet a nagserbi a buy-bust item ken ikot ti suspek.

Dagiti non-drug evidence ket pakairamanan ti maysa a lighter, national ID, sigarilyo, ken P1,000 a buy-bust money.

Sangwen ti suspek ti kaso a panaglabsing iti Republic Act 9165 wenno Comprehensive Dangerous Drugs Act of 2002.