Nasurok-kumurang 3.06 a gramo iti mapapati a shabu nga aggatad iti P20,808 iti naala iti maysa a mannalon iti search warrant operation diay Santa, Ilocos Sur.
Ti suspek ket agtawen iti uppat a pulo ket dua, naasawaan nga agnaed iti nasao nga ili.
Insayangkat dagiti operating units iti search warrant gapu iti panaglabsing ti suspek ti Republic Act 9165 nga inruar ti Executive Judge iti RTC Branch 9, First Judicial Region, Narvacan a napetsaan ita nga aldaw February 28, 2026 a gappuanan ti pannakakemmegna.
Naala kenkuana ti drug evidence a nasurok-kumurang 3.06 a gramo iti mapapati a shabu pakairamanan ti plastic sachets ken masking tape nga aggatad iti P20,808 a naipan iti tallo a heat-sealed transparent plastic sachets.
Naala pay ti non-drug evidence a maysa a piraso iti tissue paper.
