--Ads--
Parikot ita dagiti agmulmula iti tabako idiay San Emilio, Ilocos Sur iti nalaka a presyona.
Iti pannaki-uman ti Bombo Radyo Vigan ken ni Vice Mayor Jr Banua, pinasingkedan dagiti immunan a nagilako iti mulada a nalaklaka ita a tawen no yarig idi napan a tawen ta ti high grade ket P100 a dati a P120 iti presyona.
Segun ken ni Banua, ti nasao a nalaka a presyo ti tabako ket amangan no bumassiten iti agmula iti tabako iti masangwanan ket maapektaran ti RA 7171.
Kiddawna iti panagkaykaysa dagiti mannalon tapno maipanawagan ti pannakatignay iti nasao a panaglaka iti presyo ti tabako a mangap-apektar ita kadakuada.
-- ADVERTISEMENT --
