VIGAN CITY – Maminsan wennu mamindua a daras a nagpaputok iti paltog ni Severino Puller Tica nga agtawen iti uppat a pulo ket siyam, naasawaan, mannalon ken agnaed idiay Barangay Labut, Magsingal isu a naiwayat iti search warrant operation kontra kenkuana a nagpositibo iti resulta na ta nakaala dagiti pannakabagi ti linteg iti uneg iti pagtaengan na idi kalman, alas 5: 30 iti agsapa, iti maysa a pistolized 12 gauge buckshot nga adda lima a bala na.
Pinasingkedan ni Police Lieutenant Daniel Alviar, hepe ti Magsingal municipal police station a ti paltog a naala da ken ni Tica ket colorum wennu saan a lisensyado.
Gapu iti dayta, kaso a panaglabsing ti Republic Act 10591 wennu Comprehensive Firearms and Ammunitions Act iti naipil kontra ti suspek.
Posible a saan a maisakup iti panaglabsing ti Comelec gun ban ti kaso ti suspek ta saan met a ti ruwar iti pagtaengan da iti nakaalaan dagiti pannakabagi ti linteg iti paltog a naala kenkuana.
