--Ads--
Naipaagas iti ospital ti maysa a mannalon a biktima iti pannagbat idiay Barangay San Juan, Cervantes, Ilocos Sur.
Nabigbig ti biktima a ni Dante Briones Valdez, agtawen iti limapulo idinto a ti suspek ket ni Ariel Anga-angan Agcon, agtawen iti tallopulo ket innem, agpada nga agnaed iti nasao a lugar.
Adda iti talon ti biktima tapno mapanna kitaen ti padpadanumanna idin ta impak-ol ti suspek ti natangken a banag iti likudanna isu a bimmales ti biktima ket nangasot iti buneng manipud iti bakrangna ngem naagaw daytoy ti suspek ket intagbatna iti biktima iti namin-adu a daras iti likudanna.
Gapu dayta, nagsagrap ti biktima iti dunor iti nadumaduma a paset ti bagina idinto a ti suspek ket nadunor ti akin-kannigid a takyagna.
-- ADVERTISEMENT --
