Nagpalagip ti Department of Labor and Employment kadagiti mangmangged a mabalin a makaalada iti benepisio ken tulong no bilang agsakit wenno maaksidenteda iti trabaho kabayatan ti saan a nasayaat a paniempo.
Segun iti Employees’ Compensation Commission, sakup iti compensation program dagiti aksidente a napasamak kabayatan a sumsumrek wenno panagawidda a naggapu iti trabaho.
Karaman ditoy dagiti insidente a naikaglis gapu iti nabasa a kalsada ken nadisgrasia kadagiti manhole.
Makaawat dagiti private employees iti benepisio kas ti tulong-pinansial kasukat iti sueldo kabayatan ti saanda a panagtrabaho gapu iti work-related accident wenno sabali pay a sagabaen.
Mabalinda a makaawat iti reimbursement para iti agingga 60 percent a gastos iti panagpaagas ken medical consultation.
