--Ads--
VIGAN CITY – Maysa a transparent heat sealed plastic sachet a nagserbi a buy-bust item, maysa a cellphone ken lima gasut a pisos a marked money iti naala dagiti otoridad manipud ken ni Marvin Salang nga agtawen ti uppat a pulo ket uppat, baro, mangisursuro idiay San Pedro National High School nga agnaed idiay San Pedro, Narvacan iti naiwayat a buy-bust operation idi alas dyes dyes iti rabii ti October 17.
Malaksid ti buy-bust item a naala kenkuana, nakaala pay dagiti otoridad iti ikot na ti tallo a plastic sachet a naglaon iti mapapati a shabu.
Naduktalan a ti nasao a mangisursuro ket karaman iti drugs watchlist iti ili a Narvacan.
Dagiti naala nga iligal a droga ket agdagsen ti 0.30 a gramo ken aggatad ti dua ribo a pisos.
