--Ads--
Saan nga ar-aramiden ni Vice President Sara Duterte ti trabahona.
Dayta ti banat ti Malakanyang iti banat ni VP Sara nga awan ti ar-aramiden ti gobierno kadagiti naapektaran a Pilipino idiay Middle East gapu iti pangta ti riribuk.
Segun ken ni Palace Press Officer Atty. Claire Castro, nabayagen nga ammo ti bise presidente ti pangta ti riribuk ngem awan ti dinakamatna ken ni Presidente Ferdinand Marcos Jr idi agkamkampaniada pay laeng.
Innayonna pay a saanna nga impakaammo kadagiti otoridad ken iti Department of National Defense no pudno nga amona a maaddaan ti riribuk.
-- ADVERTISEMENT --
Malaksid dayta, saan pay a dinakamat ni VP Sara no ammona idi 2022 nga adda riribuk iti Middle East isu a makita ng awan ti naaramidna ken saan a nagtrabaho.
