--Ads--
Sinuportaran ti Malakanyang ti plano ti House of Representatives a pagbalinen a simple ti pannakaisayangkat ti State of the Nation Address ni Presidente Ferdinand Marcos Jr inton July 27.
Kasaruno dayta ti plano ti Kamara nga ikkaten ti red carpet para kadagiti bisita a pakairampaan dagiti nagarbo a kawes dagiti dumar-ay iti SONA.
Segun ken ni Palace Press Officer Atty. Claire Castro, simple laeng ti kayat ti Presidente – maisayangkat ti SONA ken mangngegan dagiti umili ti mensahena.
Nakairuamanen kadagiti naglabas a SONA nga uray asino a Presidente ket mayap-aplag ti red carpet idiay Kamara para kadagiti bisita ken mairampa dagiti nagarbo a kawes sakbay a mangrugi ti panagsarita ti Presidente.
-- ADVERTISEMENT --
