Saan a makibiang ti Malakanyang iti plano ti Ombudsman nga adalen dagiti kaso ti drug war ti Duterte administration.
Segun ken ni Palace Press Officer Atty. Claire Castro, ti Ombudsman ket maysa nga independent constitutional body isu a nawaya a mangaramid kadagiti nasken a tignay tapnon matunton dagiti posible a nagbasul a public official.
Saanda a kasapulan nga ireport ti Ombudsman iti Malakanyang ta adda turayna nga agtignay kas mayataday iti mandatona.
Innayon ni Castro a no kasapulan iti tulong, data, wenno report ti Ombudsman para iti aramidenda a panagadal iti drug war, mabalin nga alaen ti Ombudsman kadagiti law enforcement agency.
Saan a sakup ni Presidente Ferdinand Marcos Jr dagiti tignay a kayat nga aramiden ti Office of the Ombudsman ta adda bukodna a mandato tapno maimbestigaran dagiti opisial ken kameng ti gobierno
