Pinaglibakan ti Malakanyang dagiti report iti social media maipanggep ti mapapati nga insidente ti road harassment a nakairamanan ti maysa a presidential son iti paset ti North Luzon Expressway.
Segun ken ni Presidential Communications Office (PCO) Secretary Dave Gomez, awan iti aniaman a napasamak nga insidente nga adda pakainaigan iti siasinoman a putot ti presidente.
Rimmuar iti report iti social media a pasado alas syete iti rabii ket mapapati a linapdan ti tallo a lugan ti convoy a mapapati a nagluganan ti presidential son.
Adda pay pakaammo nga adda sangapulo ket lima a lallaki a bimmaba manipod kadagiti lugan a nakarehistro iti maysa nga ili idiay Bulacan ken nakompronta ti convoy kalpasan a mapapati a nag-overtake.
No pay kasta ket awan iti nairuar nga opisyal a palawag dagiti otoridad ken impatangken iti Malakanyang nga awan iti kasta a pasamak.
