--Ads--
Natalek ti Malakanyang nga agpatingga ti isyu iti impeachment complaint kontra ken ni Presidente Ferdinand Marcos Jr. iti baet ti panangibaga ti House Committee on Justice a saan pay maibaga nga awanen ti impeachment complaint.
Dayta ket gapu iti mapapati a posibilidad a baliktaden ti plenaryo ti resulta ti deliberasion kadagiti dua nga impeachment complaint a naipila kontra iti presidente.
Segun ken ni Palace Press Officer Atty. Claire Castro, idayaw ti presidente ti proseso ngem natalek nga awan ti linabsingna iti konstitusyon.
Innayon ni Castro a nangngegan ken nakita ti publiko ti panangsukimat ti House Committee on Justice nga awan ti ania man a pagibasaran dagiti pammabasul iti presidente.
-- ADVERTISEMENT --
