--Ads--
Dinepensaran ti Malakanyang ti pannakadutok ni dati a senador Manny Pacquiao kas baro a lead convenor ti National Anti-Poverty Commission, gapu iti personal a kapadasan iti kinarigat ken napait a panagtulong na kadagiti marigrigat.
Segun ken ni Palace Press Officer Claire Castro, pakairamanan iti nagbalin a konsiderasion iti panangpili ken ni Pacquiao ti panagbalin na a pamilyar iti kasasaad dagiti adda marigrigat ken tarigagay na ti tumulong kadagiti agkasapulan.
Nagsapata ni Pacquiao ken ni Presidente Ferdinand Marcos Jr. kas NAPC secretary ken lead convenor.
Sinukatan ni Pacquiao ni Lope Santos III kas national anti-poverty commission lead convenor.
-- ADVERTISEMENT --
