Binanatan ti Malakanyang ni Vice President Sara Duterte gapu iti panangbabalawna iti Marcos administration ken ti kinunana a saan a ti pamiliana ti parikut iti pagilian.
Iti panagsarita ni Duterte iti maysa a meeting de avance, kunana a siimatang ti pagilian iti maysa a ‘systematic demolition job’ kontra kadagiti kalaban iti pulitika.
Insungbat met ni Usec Claire Castro, pannakangiwat ti Malakanyang a dagiti sinarita ni Duterte ket kasla iladladawanna tti bagina ken ti pamilia Duterte.
Saan a nadakamat ni Duterte ti presidente, ngem ti puntona ket, idadaulwan ti maysa a lider ti pagilian a saanna a maawatan ti kasasaad dagiti umili ken saanna a kabaelan ti agdesisyon para iti pagsyaatan ti kaaduan.
Dinakamatna pay ti saan a panangsurot ti presidente a dumalan iti public hair follicle drug test ken ti saanna a panangtungpal iti karina a P20 per kilo ti bagas.
