Maysa a lider a manglablaban iti anomalya kas ken ni Presidente Ferdinand Marcos Jr ti kayat ti Malakanyang nga agbalin a sumaruno a presidente ti pagilian.
Dayta ti pinasingkedan ni Palace Press Officer Atty. Claire Castro tapno agtuloy ti laban kontra anomalya ken nadalus ti bureaucracy.
Segun ken ni Castro, no saan a matignayan ti anomalya iti pagilian ket makaapektar iti ekonomia ken awan ti mapasamak iti pagilian.
Innayon ni Castro a ni laeng Marcos ti natured a nangipaimbestigar iti nakaro a panangabuso iti pondo ti pagilian isu a nasken nga agtultuloy iti pananglaban kontra anomalya iti sumaruno nga administrasion.
Iti agdama, adun dagiti nakasoan ken addan dagiti nabalud nga opisial ken dagiti pribado nga indibidual a mapapati a nagkukunsabus tapno pagkwartaan ti flood control project ti gobierno.
