Nagballaag ti Malakanyang kadagiti negosiante a mapaneknekan a manggungundaway iti krisis iti Middle East babaen iti panagpangina iti presio ti petrolyo.
Dayta ket kasaruno ti nasapa a panagpangina ti langis dagiti adu a gasoline station idi weekend imbes koma a no pay laeng bigat.
Segun ken ni Palace Press Officer Atty. Claire Castro, kayat ni Presidente Ferdinand Marcos Jr ti panagtitinnulong kadagitoy a gundaway imbes a gundawayan ti riribuk a mapaspasaran iti nasao a rehion.
Innayon ni Castro a nakapatang idan ni Energy Secretary Sharon Garin ken naipakaammo kadakuada nga adda 54 gas station nga inikkanda iti show cause order gapu iti panagpanginada iti presio.
Gapu dayta, nagpanawagan ti opisial iti pannakitinnulong ken pannakikaysa kadagitoy a panawen ket saan a gundawayan ti bukod nga interes ken pastrek.
