Kinontra iti Malakanyang ti pammabalaw dagiti kritiko nga awan pay laeng iti nadusa iti flood control scam manipod imbilin ni Pres. Ferdinand Marcos Jr. iti imbestigasyon idi napalabas nga State of the Nation Address (SONA) idi napan a tawen.
Segun ken ni Palace Press Officer Atty. Claire Castro, adun ti napasamak kalpasan a narugyan ti imbestigasyon ken posible a saan a makitkita dagiti kritiko dagiti ar-aramiden iti gobierno.
Kinunana nga addan ti dati a senador ken agdama a senador iti mahir-hearing gapu iti flood control scam ken na-freeze iti assets dagiti opisyal a mapapati a karaman iti flood control.
Kinuna ni Castro a saan nga agsarsardeng ti Ombudsman ken Department of Justice (DOJ) tapno madusa iti amin a karaman iti flood control scam.
Impanakkel ni Castro nga awan pay makatawen ngem adun ti naaramidan ti Marcos Administration kontra ti korapsyon no yarig idi napalabas nga administrasyon.
