Kinontra ti Malakanyang ti agwarwaras a pammabasul iti social media nga addanton “energy lockdown” mangrugi inton Abril 20.
Agwarwaras ti maysa a post iti online a mangal-allukoy iti publiko nga ipakaammo iti pamilia ken dagiti gayyem ti mapapati nga umadani a lockdown, ken agsagana kadagiti power bank, solar equipment, rechargeable fan, flashlight, candela, lampara, taraon, agas, ken danum.
Immunan nga impaganetget ti Malakanyang nga awan ti planoda a mangipatungpal iti nasao nga addang iti agdama, iti baet ti agtultuloy a panangikagumaan ti gobierno a makasapul iti alternatibo a pagalan iti langis iti baet ti riribuk iti Middle East.
Maipalagip nga indeklarar ni Presidente Ferdinand Marcos Jr. ti state of national energy emergency tapno masolusyonan ti posible a pannakaitantan ti suplay ti langis ken mapagtalinaed ti kinatibker ti sektor ti enerhia.
