--Ads--
VIGAN CITY— Naitaray idiay Ilocos Sur Provincial Hospital-Gabriela Silang iti makatawen nga ubing a lalaki gapu iti pannaka-alimon na iti aspili idiay Brgy. Caraisan, Magsingal, Ilocos Sur.
Saan a ninamnama ni Antonette Valle nga aspili iti ay-ay-ayamen iti anak na iti uneg iti pagtaengan da.
Ngem, idi nangrugi a nagsangit iti anak na ken agalen na iti sakit iti karabukob na, insigida da nga intaray iti ubing iti nasao nga ospital.
Natakwatan nga aspili wennu safety pin iti naalimon iti ubing ngem saan a nauneg iti sugat na ken saan a nagkakomplikasyon.
-- ADVERTISEMENT --
Gapu iti daytoy, ballaag dagiti doktor a saan a bay-bay-an dagiti ubbing nga agay-ayam da a solo iti pagtaengan ken iyadayo dagiti banag a makadangran kadagiti ubbing.
