Insayangkat ti Philippine National Police (PNP) babaen ken ni PNP Chief Gen. Nicolas Torre III ti sabali pay a major reshuffling ta innagananna ni Lt. Gen. Edgar Alan Okubo a deputy chief for operations nga isu ti maikatlo a kangatoan a posisyon iti polisya.
Ni Okubo iti mangsukat ken ni Lt. Gen. Robert Rodriguez nga agretiro inton July 15.
Karaman ni Okubo iti PNP Academy Tagapagpatupad Class of 1992 ken naudin a nagtugaw kas chief ioti directorial staff. Dati pay a director iti Directorate for Police Community Relations, Civil Security Group ken National Capital Region Police Office (NCRPO).
Dinutokan ni Torre ni Maj. Gen. Neri Vincent Ignacio a kasukat ni Okubo iti PNP directorial staff, Brig. Gen. Jeffrey Decena a Civil Security Group chief ken Brig. Gen. Martin Defensor Jr. kas mangidaulo ti Directorate for Logistics.
Na-promotye met ni Brig. Gen. Eleazar Matta kas director iti Police Regional Office 9, nga operational control ken supervision iti police units idiay Zamboanga Peninsula, ket ni Brig. Gen. Willian Segun iti mangsukat ti posisyon ni Matta a Highway Patrol Group director.
Innaganan pay ni Torre ni Brig. Gen. Roel Rodolfo a MIMAROPA police director ken Jerry Protacio ken Arnold Abad a commander iti Northen Police District ken Manila Police District.
Na-assign met da Col. Berniel Gottoman, Rommel Batangan ken Lito Patay a mangidaulo ti PNP Communications and Electronic Service, Centrral Luzon ken Negros Island region police officers.
Ti baro nga assignment-da ket epektibo inton July 14 ken 15 iti agdama a tawen.
