Magnitude 5.5 a ginggined a timmama idiay Sichuan, China, 13 ti nadunor

Sangapulo ket tallo nga indibidwal ti nadunor kalpasan ti magnitude 5.5 a ginggined a timmama idiay Gaoxian County, Yibin, Sichuan, China.

Segun iti China Earthquake Networks Center, ti ginggined ket adda kauneg na nga innem a kilometro.

Dagus a nagipatungpal ti Level III emergency response ti earthquake relief headquarters ti Yibin.

Naitaray met a dagus dagiti sangapulo ket tallo nga indibidwal iti balay pagagasan para ti naan-anay a pannakatamingda.

Kabayatanna, 196 a residente ti naibakwit iti natalged a lugar gapu ti napasamak a ginggined.