--Ads--
Magnitude 5.4 a ginggined iti nangdayyeg iti kabaybayan iti bagatan a daya iti Balut Island itay parbangon kas pinasingkedan ti Philippine Institute of Volcanology and Seismology (PHIVOLCS).
Ti earthquake information bulletin ti ahensya, napasamak iti panagdayyeg itay ala una baente dos iti parbangon.
Nagsentro dayta iti siam a pulo ket tallo a kilometro iti bagatan a paset ti Balut Island a sakupen ti Saranggani.
Segun ti Phivolcs, tectonic ti nagtaudan ti ginggined a ti kaunegna ket limapulo ket innem a kilometro iti salinong ti seabed a gappuanan ti pannakarikna iti kaasidegna a lugar.
-- ADVERTISEMENT --
Nagballaag ti Phivolcs a posible a maisayangkat ti aftershocks isu a nabalakadan ti publiko nga agalerto ken sumurot iti maipatpatungpal a safety protocol.
