Lintegen ti gakat a mangital-o iti kasasaad ken karbengan dagiti Filipino seafarer ta pinermaanen ni Presidente Ferdinand Marcos Jr ti Magna Carta of Filipino Seafarers iti maysa a seremonya itay bigat.
Iti salinong ti Magna Carta of Seafarers, maital-o ti interes ken proteksyon dagiti Pilipino a marino kagiddan ti pannakapasayaaat ti training ken accreditation tapno masigurado ti compliance-na iti international maritime standards.
Gagem pay ti Magna Carta of Filipino Seafarers a mangbukel iti komprehensibo a framework a mangpreserba ken mangpapigsa iti karbengan ken kasasaad dagiti Pinoy seafarer iti local ken international shipping.
Maipalagip nga idi Pebrero koma pay laeng a permaan ti presidente ti gakat ngem saan a natuloy ta madama pay laeng idi nga ad-adalenna.
Pakaragsakan met ti presidente a lintegen ti nasao a gakat.
