Pinaglibakan ni Baguio City Mayor Benjamin Magalong dagiti mangikonkonektar kenkuana iti anomalya iti siudad kalpasan ti panagikkatna manipud iti Commission for Infrastructure.
Segun ken ni Magalong, nadagsen ti desisionna a pumanaw iti ICI ngem kasapulan tapno mapagtalinaed ti kredibilidad ti komision.
Inlawlawag pay ti mayor nga awan ti ammona kadagiti kwestionable a proyekto ken awan ti ‘conflict of interest’ iti pannakainaganna iti ICI.
Kagiddan ti panagikkatna, naipadamag ti mapapati a pannakairaman ni Magalong kadagiti dua a proyekto a pang-imprastraktura ti siudad ti Baguio idi 2022 kadagiti contractor couple a da Pacifico ‘Curlee’ ken Cezarah Discaya.
Sinuspenso pay ni DPWH Secretary Vince Dizon dagiti innem nga opisial ti Baguio District Engineering Office.
