Posible a nababbaba iti gakat a P6.793 trillion a national budget iti maaprubaran idiay Senado kasaruno dagiti naduktalan nga iregularidad iti sumagmamano a proyekto iti gobierno.
Dayta iti pinasingkedan ni Senate Committee on Finance Chairman Sherwin Gatchalian, no man pay inlawlawagna a nakadepende latta iti agbalin a desision iti mayorya kadagiti senador.
Kinuna ni Gatchalian a timbangenda iti agbalin nga epekto iti panagkissay ti budget kagiddan ti sarita a maysa kadagiti positibo a resultana ket ti panagbaba iti budget deficit.
Aminado ti senador a makapasayang dagiti pondo a mabalin koma a maaramat kadagiti proyekto ken programa iti gobierno.
Mangrugin iti Technical Working Group iti Senate Committee on Finance nga iyetnag dagiti posible a panagbaliw iti singasing a gakat kasaruno dagiti nagruar nga isyu dagiti panagdenggeg.
