--Ads--
Posible nga i-auction ti Bureau of Customs (BOC) dagiti agkakangina a lugan dagiti agasawa a government contractor a da Curlee ken Sarah Discaya kalpasan a naibutaktak a kurang iti baybayadanda a buwis.
Segun ken ni Atty. Chris Noel Bendijo a deputy chief of staff ni BOC Commissioner Ariel Nepomuceno, rimmuar iti initial findings nga agkurang iti papeles iti sangapulo a lugan dagiti agasawa para iti customs duties ken taxes.
Impaganetgetna a pumigpigsa iti atap a saan a nasayaat iti importasyon ken awan ti husto a buwis a nabayadan dagiti Discaya.
Inlawlawagna pay nga iti salinong ti linteg, nu naglabes iti 20% ti diperensya iti rumbeng a bayadan ken actual a nabayadan a buwis ket otomatiko kumpiskaren iti gobierno kadagiti sanikua.
-- ADVERTISEMENT --
