Pinasingkedan ni Committee Chairman Batangas Rep. Gerville Luistro a mabalin pay a biagen ti dua nga impeachment complaint kontra ken ni Presidente Ferdinand Marcos Jr. kalpasan a nawaswas gapu ta saan a pimmasa iti “suffiency in substance”.
Segun ken ni Luistro, ti committee report-da a mangibasbasura iti impeachment ket ipasada iti plenaryo ket no bilang ta matratarton ket adda bileg ti plenaryo nga awaten wenno baliktaden ti report.
Inton Lunes, target a maipasa ti komite ti report.
Iti naisayangkat a binnotosan, 42 a miembro ti House Committee on Justice ti nagbotos a saan a nakapasa iti “substance” ti immuna nga impeachment complaint idinto a 39 met ti bimmotos iti maikadua nga impeachment.
Tapno mabaliktad ti committee report ket kasapulan iti 106 a botos iti House plenary.
