Maisayangkat ti License to Own and Possess Firearms and Firearms Registration Modified One Stop Shop inton June 25-26, 2025 idiay Vigan Convention Center, Rivero Street, Barangay VII, Vigan City, Ilocos Sur.
Iti pannaki-uman ti Bombo Radyo Vigan ken ni PLTCOL. Rogelio Remiendo Jr. iti PCADU ti Ilocos Sur Police Provincial Office, ‘first come, first served’ basis ti sistema iti biang ti neuro-psychiatric test ken 200 ti kada aldaw ti mailatang nga slots, ad-adu ngem iti dati a 150.
Dagiti serbisyo a maipaay kabayatan ti LTOPF Caravan ket pakairamanan ti LTOPF Online Registration Assistance, Application Form, Affidavit of Undertaking, Neuro-Pyschiatrict Test, Drug Test, Certificate of Gun Safety and Responsible Gun Ownership Seminar; wenno Validation of Marksmanship Certificate para laeng kadagiti AFP personnel, ken ti Notary Public.
Dagiti requirement para iti LTOPF kadagiti damona ket ti notarized application form, notarized affidavit of undertaking, dua a photocopy ti valid government issued ID, National Police Clearance, PSA/LCR Birth Certificate wenno photocopy ti valid Passport, Proof of Billing/Barangay Clearance, Proof of Income, Neuro-Psychiatric Test, Drug Test, Phone nga adda downloade e-gov app-na, dua a 2×2 picture with white background ken name tag, Certificate of Gun Safety and Responsible Gun Ownership Seminar, wenno validation ti Marksmanship Certifictae para kadagiti AFP personnel laeng.
Dagiti met kasapulan para iti renewal ket ti notarized application form, notarized affidavit of undertaking, National Police Clearance, Neuro-Psychiatric Test, dua a 2×2 picture nga adda white background ken name tag-na.
Para met iti firearm registration ket kasapulan ti application form ken valid LTOPF idinto a no Firearm Registration Transfer ket masapul ti application form, valid LTOPF ti both parties, valid firearm registration ken deed of sale.
