Nakaituding nga ipatungpal ti Land Transportation Office (LTO) iti psychological test kadagiti amin a drayber a nairaman kadagiti road rage incidents ken dagiti saan a normal iti panagug-ugalina.
Maysa kadagiti in-example ti ahensia ket ti maysa a kotse a nangdungpar ti traffic enforcer ken naggandat nga aglibas idiay Taguig City idi napan a bulan.
Nasuspenso ti driver bayat ti panangdengngeg ti LTO iti kaso ken nakaituding a maresolusyonan inton sumaruno a lawas, segun ken ni LTO Chief Vigor Mendoza.
Gapu dayta, ad-adalen ti ahensia a mangted iti psychological test kadagiti amin a kamote driver.
Nupay kasta, inlawlawagna a saan a saklaw ti asinoman nga agap-apply iti driver’s license.
Innayon pay ni Mendoza a kayat ti LTO a tuladen ti polisia kadagiti dadduma a pagilian a mangipatungpal iti a test kadagiti “kamote drivers.”
