Guilty ti pangngeddeng ti Land Tranportation Office (LTO) iti naisayangkat nga imbestigasyon kontra ti motovlogger a ni Yanna mainaig ti viral a pannakiririna iti maysa a pickup truck driver idiay Zambales, malaksid laeng iti muelta ken pannakasuspenso ti driver’s license na.
Segun ken ni LTO Chief Assistant Secretary Atty. Vigor Mendoza II, pagmueltaenda ni Yanna iti P5,000 gapu iti panagaramatna iti motorsiklo nga awan ti side mirror-na ken P2,000 para ti reckless driving.
Suspendido ti driver’s license na agingga saanna nga isuko iti LTO ti motorsiklo nga inaramatna iti insidente, ti nasao a lugan ket saan a kukua ni Yanna.
Iti viral video ni Yanna ket makita iti napeggad a panagmaniobrana idi inovertake-anna ti pickup truck ken awan pay ti side mirror iti motorsiklona.
Ti kaso ni Yanna ket Reckless Driving iti Section 48 iti Republic Act 4136, panagmaneho iti motorsiko nga awan ti side mirror-na, ken awan ti plate number ti motorsiklo.
