Nagpalagip ti Land Transportation Office – Candon City kadagiti drayber a ti panagmaneho ket saan laeng nga agpatingga iti panangala iti lisensia ken panangirehistro iti lugan no di ket nasken a mabuyogan iti kina-responsable.
Dayta ket kasaruno ti napasamak a road rage iti ili ti Santiago.
Iti pannaki-uman ti Bombo Radyo Vigan ken ni Manuel Calima, OIC iti Candon City LTO, kasapulan ti panaganus ken panangrespeto iti pada a motorista no adda iti kalsada.
Nagpalagip ni Calima kadagiti maab-abuso ti karbenganna iti kalsada a mabalinda nga idirekta ti reklamoda iti central office ta isuda ti adda karbenganna a mangbaklay kadagitoy a parikut.
No ngamin ta isuda laeng ditoy lokalidad ket ti laeng panangtiliw ken panangala iti lisensia ti akemda ta awanda iti turay a mangiruar iti show cause order.
Ngem no bilang met ta saan a naurnos ti saan a pagkinnaawatan kadagiti road rage, mabalin a maipakaammo kadakuada tapno no agirehistroda iti lugan ket masapul pay a simpaenda iti dayta a banag a nakairamananda.
