Ag-implementar metten ti four-day work week ti Land Transportation Office (LTO) kas addang tapno maka-inot iti sangsangoen nga energy emergency ti pagilian gapu iti agtultuloy a tension idiay Middle East.
Impakaammo ti ahensia nga amin a “non-client facing units” da ket adda iti opisina manipud Lunes agingga Huwebes kabayatan a ti work from home ket ti aldaw ti Biyernes.
Dagiti frontline services met ti LTO ket agtalinaed a nakalukat ti opisina manipud Lunes agingga Biyernes tapno masigurado nga awan ti problema iti transactions kas ti driver’s licensing, motor vehicle registration, ken adjudication.
Maipalagip nga immuna nga inyanunsio ni Presidente Ferdinand Marcos Jr. ti temporario a panangipatungpal ti four-day work week kadagiti napili nga opisina iti gobierno.
