Mangipatungpal ti Land Transportation Franchising and Regulatory Board (LTFRB) iti uppat nga aldaw a work week manipod April 6, 2026 kas paset iti energy-saving policy iti gobierno.
Miabasar ti advisory iti ahensya, ti compressed work week ket kasaruno ti Memorandum Circular 114 nga inruar ti Malakanyang idi March 6 tapno makatiped iti enerhiya kagiddan ti tensyon idiay Middle East.
Aglukat ti opisina iti LTFRB manipod Lunes agingga Huebes iti alas syete iti bigat agingga alas sais iti malem, ken awan iti trabaho dagiti empleado tunggal biernes.
No pay kasta, dagiti kas ti transportation inspectors ken 24/7 hotline team ket agtultuloy latta iti panangipaay iti serbisyo ken dadduma pay a kapada a posisyon ket agtultuloy iti lima nga aldaw a work week tapno saan a madelay iti serbisyo publiko.
