Agtaltalinaed a natalek ni Pres. Ferdinand Marcos Jr. iti Armed Forces of the Philippines (AFP) iti baet ti sarita ni NBI Director Melvin Matibag iti impeachment court nga adda dagiti aktibo a suldado a karaman kadagiti persons of interest iti mapapati a plano a mangpapatay ti presidente.
Segun ken ni Palace Press Officer Usec. Claire Castro, awan ti impormasyonda no naidanonen iti presidente ti impormasyon sakbay iti panagtestigo ni Matibag iti impeachment court.
Siguradoen met ni Castro nga ammo dayta ti Presidential Security Command.
Impaganetget ni Castro a napateg a mabigbig ti siasinoman a mangsalungasing ti mandatoda tapno masalakniban ti presidente.
Inlawlawg ni Castro nga iti agdama ket awan iti maisaysayangkat a loyalty check iti militar ta adda iti ahensia ken security forces iti nasao a patangan.
