Impasigurado ni Presidente Ferdinand Marcos Jr. iti publiko nga ub-ubraen ti administrasion na ti long-term solutions tapno marisut ti panaglayus iti pagilian.
Indauloan ni presidente Marcos ti inspeksion iti agtultuloy nga operasion iti salinong ti Oplan Kontra Baha, flood mitigation initiative ti national government iti Sagop Creek idiay Naga City’s.
Pinasingkedan ni Marcos a rugi pay laeng daytoy ket manamnama long term solutions tapno malapdan ti panag-layus iti agduduma a paset ti pagilian.
Karaman iti flood mitigation measures ti declogging dagiti kanal, panagikkat iti illegal obstructions iti pagayusan ti danum, river dredging, rehabilitasion ti pumping stations, maintenance ti flood control measures, ken mobilisasion ti equipment ken personnel iti flood prone areas.
Indauloan ti Department of Public Works and Highways (DPWH) ti Oplan Kontra Baha a gagemna a liklikan ti panag-layus babaen iti napardas nga on-the-ground interventions.
