VIGAN CITY– Naboung ti ulo ti maysa a senior citizen gapu iti panangtagbat kenkuana ti kabsat na a senior citizen iti sango ti menor de edad idiay Pidigan,Abra.
Nabigibig ti biktima a ni Gertrudiz Cabanilla Espinilla , 63 idinto a ti suspek ket ni Rosita Cabanilla Bandiez, 70 agpada a taga Brgy. Alinaya, Pidigan.
Segun kenni P/Chief Insp. Apdilon Galong, hepe ti PNP-Pidigan, nakaidda ti biktima nga agbuybuya iti telebisyon kadwa na iti taraknen na a menor de edad idi bigla pinak-ol ti kabsat na ti ulo na san a tinagbat.
Timmaray ti menor de edad ket nagpatulong iti kaaruba da ngem idi nakadanun da iti pagtaengan ket nadanun da iti dara dara ti biktima.
Arig na saan a nagbabawi ti suspek ket inaklon na a napatay na iti kabsat na gapu ta napnunanen iti kanayon a panagriri da.
Addan iti kustodiya ti pulisya ti suspek ket maisagsaganan ti kaso a Homicide kontra kenkuana.
