Pinasingkedan ni Metro Manila Council (MMC) nga awan ti pakainaiganna iti umadani a 2028 election ti panangilatang ti gobierno ti Local Government Support Fund kadagiti lokal a gobierno.
Segun ken ni San Juan City Mayor Francis Zamora, presidente ti MMC, tinungpal laeng ni Presidente Ferdinand Marcos Jr. ti kari na a papigsaen ti kabaelan dagiti LGUs.
Ti pondo ita a tawen ket umabot iti 57.87 bilyon, kadakkelan iti pakasaritaan, ken nakalatang para iti imprastruktura, disaster preparedness ken social services.
Nagpanawagan ni Executive Secretary Ralph Recto kadagiti LGUs a siguradoen ti transparent ken efficient a panagusar ti pondo tapno marikna ti tunggal barangay ken siudad ti benepisio.
Innayon met ti MMC a nalawag a nakapokus ti local government support fund iti panagdur-as ti komunidad ken mangipaay ti nasayaat a serbisio kadagiti umili.
