VIGAN CITY – Nasurok uppat a milion a pisos ti pondo a nailatang iti Load Support Services a programa ti University of the Philippines – Student Council kadagiti estudiante manipud Kindergarten agingga iti Graduate Studies.
Iti pannaki-uman ti Bombo Radyo Vigan ken ni SC President Jed Tristan Quinto, 15,064 nga estudiante ti nagrehistron iti registrar nga isu ti pagibasaranda kadagiti ipaayanda iti PHP 300 a load tapno saan a marigatan dagiti estudiante nga agatendar kadagiti online activities ita a panawen ti distance learning.
Nayatiddug agingga idi January 6 ti pawayway dagiti kumamakam pay nga agrehistro iti website a pangpermaanda kadagiti makiddaw nga impormasion kadakuada.
Manarimaan pay laeng agingga ita ti panangkolektada ti numero dagiti nakarehistro ken mapatta-patta nga 11,000 pakairamanan dagiti foreign students ti nabenepisyaranen iti programa ket manamnama nga ituloydanto pay agingga inton sumaruno a semestre.
