Listaan dagiti barangay officials a mapapati a karaman iti iligal a droga, saanen a kasapulan a maiparuwar

VIGAN CITY- Patien ni Atty. Ismael Baterina a saanen a kasapulan nga adda ti maiparuar  a drug list tapno maammuan dagiti umili dagiti  opsiyal ti barangay a maatap nga adda pakainaigan na ti iligal a droga.

Segun kenni Atty. Baterina, ti   barangay iti kabassitan a polical unit isu  nga agaam-ammon dagiti tattao  ken no siasino dagiti  rumbeng na nga agtugaw iti posisyon.

Kabayatanna, inlawlawag met ti abogado  a saan a maikkat ti maysa a kandidato  gapu laeng ta karaman iti drug list ta daytoy ket saan pay a nakonbiktaran  no di ket masuspetsa pay laeng.

Kinunana nga uray no navalidate ti listaan ket kasapulan a mapaneknekan babaen iti imbestigasyon ken mausig iti korte nu adda iti maipila a kaso.