Umabot ti 984 a lisensiya dagiti motorista ti inbabawi ti Land Transportation Office (LTO) gapu iti nadumaduma a panaglabsing da iti batas-trapiko idi 2024.
Segun kenni LTO Chief Assistant Secretary Atty. Vigor Mendoza II, dagiti naibabawi a lisensiya ket dimmalam iti usto a proseso ken due process.
735 a driver’s license ti inbabawi ti LTO kadagiti motorista a naglabsing iti RA 10586 wennno Anti-Drunk and Drugged Driving Act.
Kabayatanna, sangagasut tallopulo kadagiti naalaan ti lisensia ti naglabsing iti RA 4136 wenno ti Land Transportation and Traffic Code.
Dagiti siam a pulo ket uppat met a kaso ket gapu iti panaglabsing iti RA 10930 wenno ti panag-extend ti validity ti driver’s license a dagiti dadduma a motorista ket natiliwan ti double license, panangpeke ti dokumento, ken panangsuitik iti examination.
Duapulo ket uppat met a motorista ti nag-viral iti social media ken dadduma pay a reklamo ket inababawi ti ahensia ti lisensiada.
Kiniddaw ni LTO Chief Atty. Mendoza nga agbalin a bassit wenno zero ti administrative case dagiti motorista ita a tawen ta kayat ti ahensiada nga agbalin a responsible ken disiplinadoda iti kalsada.
