Nangrugin ti termino ni Lipa Archbishop Gilbert Garcera kas baro a presidente ti Catholic Bishops’ Conference of the Philippines (CBCP).
Ni Garcera a nabotosan kas mangidaulo ti CBCP ket sinukatanna ni Kalookan Bishop Pablo Virgilio Cardinal David a nagserbi iti dua a termino kas presidente iti kangatoan nga akem dagiti Obispo.
Ni Garcera ket nagserbi nga arsobispo iti Lipa manipod pay idi 2017.
Sakbay a nagbalin a presidente ti CBCP, indauloanna ti Commission on Mission at Commission on Family and Life.
Nagserbi ni Garcera kas chairman ti Federation of Asian Bishops’ Conferences’ Office on Laity and Family ken kas director iti Synodal Leadership for Asian Bishops Seminar.
Sakbay a nagbalin nga arsobispo iti Lipa ket nagserbi nga Obispo iti Daet manipod 2007.
