Pinirmaan ni President Ferdinand Marcos Jr. ti Republic Act No. 12145 a mangsukat ti nagan iti National Economic and Development Authority (NEDA) kas Department of Economy, Planning and Development (DEPDev).
Ti DEPDev ket isu ti kangrunaan nga ahensya iti gobierno nga agplano, agtratar iti polisiya ken mangkita kadagiti programa para iti pagdur-asan.
Gagem dayta a masigurado a coordinated ken efficient iti pannakaaramat ti baknang iti pagilian ken idauluan ti public investment program.
Mangdutok pay iti long-term vision ken 25-years development framework para iti sustainable development iti pagilian.
Ti secretary ti Department of Economy, Planning and Development (DEPDev) ti agbalin a chief economist nga isu ti agbalakad iti presidente ken gabinete maipanggep iti ekonomia.
Agtalinaed a katinnulong ti Department of Economy, Planning and Development (DEPDev) dagiti dati nga attached agencies ti NEDA kas ti Philippine Institute for Development Studies ken Public-Private Partnership Center ken maaddaan ti regional offices iti intero a pagilian malaksid idiay NCR ken BARMM.
