Pinermaanen ni Presidente Ferdinand Marcos Jr ti Republic Act 12325 wenno ti linteg a mangamyendar iti Universal Access to Quality Tertiary Education Act.
Babaen iti bileg ti nasao a linteg, mapalawa ti libre a tertiary education ken tulong pinansial para kadagiti marigatan nga estudiante iti pinansial.
Karaman kadagiti prayoridad ti linteg dagiti estudiante a nagtaud kadagiti marigrigat ken disadvantaged a pamilia, agraman dagiti kwalipikado a benepisyaryo ti 4Ps.
Mapalawa pay ti Tertiary Education Subsidy wenno TES tapno masakupanna ti internship, professional licensure ken allowance para kadagiti estudiante nga adda rangkapna.
Mabalin a manayonan iti maysa a tawen ti panawen ti panangkompleto iti panagadal no adda nainkalintegan a rason.
Segun ken ni Marcos, gagem ti addang nga ad-adu nga estudiante ti makastrek, agtalinaed ken makaturpos iti kolehio ken technical-vocational institutions a saanda madagsenan iti pinansial a gastusenda.
